పారా బ్యాడ్మింటన్ క్రీడాకారిణి పడాల రూప దేవికి ఎమ్మెల్యే సుజనా చౌదరి చేయూత
రూపా దేవితో మాట్లాడుతున్న ఎమ్మెల్యే సుజనా చౌదరి
అండగా ఉంటానని హామీ

విజయవాడ : పారా బ్యాడ్మింటన్ లో జాతియ అంతర్జాతీయ స్థాయిలో అనేక మెడల్స్ సాధించిన క్రీడాకారిణి పడాల రూప దేవికి ఎమ్మెల్యే సుజనా చౌదరి చేయూతనందిస్తున్నారు.

శ్రీకాకుళంకు చెందిన రూపదేవి దురదృష్టవశాత్తు జరిగిన ప్రమాదంలో వెన్నెముక దెబ్బతిని కాళ్లలో కదలిక కోల్పోయింది. అయినా ధైర్యం కోల్పోక విధిని ఎదిరించి పారా బ్యాడ్మింటన్ లో శిక్షణ పొంది అంతర్జాతీయ స్థాయిలో అనేక పథకాలను సాధిస్తుంది.

ఇటీవల ఎమ్మెల్యే సుజనా చౌదరిని కలిసిన రూప దేవి తను సాధించిన విజయాలు అందుకున్న మెడల్స్ ను చూపించి తనను మరింతగా ప్రోత్సహించాలని కోరగా అండగా నిలబడతానని సుజనా హామీ ఇచ్చారు.

సుజనా చౌదరి ఆదేశాలతో కార్యాలయ కార్యదర్శి ప్రత్తిపాటి శ్రీధర్ తను ఉన్నత విద్యను అభ్యసించాలని పారా బ్యాడ్మింటన్ లో మరిన్ని విజయాలు కైవసం చేసుకొని దేశానికి మరింత పేరు తేవాలని సుజనా ఫౌండేషన్ ద్వారా ఏడాది పాటు నెలకు రూ 25000 వేలను అందిస్తున్నారు.

ఈ సందర్భంగా భవానిపురం ఎన్డీఏ కార్యాలయంలో గురువారం రూపా దేవికి ఎమ్మెల్యే కార్యాలయ కార్యదర్శి ప్రత్తిపాటి శ్రీధర్, సుజనా ఫౌండేషన్ సిబ్బందితో కలిసి రూ 25000 వేల చెక్కును అందించారు.

అడిగిన వెంటనే స్పందించి తనకు
అండగా నిలిచిన ఎమ్మెల్యే సుజనా చౌదరి కు కార్యాలయ కార్యదర్శి ప్రత్తిపాటి శ్రీధర్ కు , సుజనా ఫౌండేషన్ సిబ్బంది కు పడాల రూపదేవి కృతజ్ఞతలు తెలిపారు.