దేవాలయాలు ఆధ్యాత్మిక చింతనను పెంపొందిస్తాయి : ఎమ్మెల్యే కెపి.వివేకానంద్ …

కొంపల్లి మున్సిపాలిటీ పరిధి దూలపల్లిలోని శ్రీ సీతారామచంద్రస్వామి, ఈ విశాలాక్షి విశ్వేశ్వర స్వామి దేవస్థానం వద్ద నిర్వహించిన రాజగోపుర శిఖర కలశ స్తంభన పూజా మహోత్సవానికి ఎమ్మెల్యే కెపి .వివేకానంద్ ముఖ్యఅతిథిగా హాజరై శ్రీ విశ్వేశ్వర స్వామికి ప్రత్యేక పూజలు నిర్వహించారు.

ఈ సందర్భంగా ఎమ్మెల్యే కెపి.వివేకానంద్ మాట్లాడుతూ పురాతన కాలంలో దేవాలయాల నిర్మాణంలో వేద పండితులు అనేక శక్తులతో స్వామివారిని ప్రతిష్టాపన చేయడం వలన ఆ పరిసర ప్రాంతాలు కూడా శక్తివంతమవుతాయని, తద్వారా మనము దేవాలయాలను సందర్శించినప్పుడు తెలియని శాంతన, మానసిక ప్రశాంతత లభిస్తుందన్నారు.

ఈ కార్యక్రమంలో కొంపల్లి మున్సిపాలిటీ వైస్ చైర్మన్ గంగయ్య నాయక్, కౌన్సిలర్ డప్పు కిరణ్, సీనియర్ నాయకులు బూర్గుబావి హన్మంత్ రావు, ఆలయ కమిటీ చైర్మన్ బూర్గుబావి సత్యనారాయణ, నాయకులు, ఆలయ కమిటీ సభ్యులు తదితరులు పాల్గొన్నారు.