భక్తిశ్రద్ధల నడుమ వైభవంగా దుర్గామాత బోనాల మహోత్సవం…
అమ్మవారిని దర్శించుకున్న నగర మేయర్ మహంకాళి స్వామి….
పెద్దపల్లి//జిల్లా ప్రతినిధి: గోదావరిఖని, తెలంగాణ ఆధ్యాత్మిక సంప్రదాయానికి ప్రతీకగా నిలిచే దుర్గామాత బోనాల మహోత్సవం 8వ కాలనీ ఓసీపీ–3 కృషి భవన్ ప్రాంగణంలో భక్తిశ్రద్ధలతో, వైభవంగా నిర్వహించారు. ఆషాఢ శుద్ధ దశమి సందర్భంగా నిర్వహించిన ఈ వేడుకలో రామగుండం శాసనసభ్యులు మక్కాన్ సింగ్ రాజ్ ఠాకూర్ ఆదేశాల మేరకు నగర మేయర్ మహంకాళి స్వామి పాల్గొని దుర్గామాత అమ్మవారిని దర్శించుకుని ప్రత్యేక పూజలు నిర్వహించారు.
కాలనీ అధ్యక్షుడు గుండేటి రాజేష్ ఆధ్వర్యంలో నిర్వహించిన ఈ మహోత్సవంలో భక్తులు పెద్ద సంఖ్యలో పాల్గొని అమ్మవారికి బోనాలు సమర్పించి మొక్కులు తీర్చుకున్నారు. ఈ సందర్భంగా తెలంగాణ సంస్కృతి, సంప్రదాయాలను ప్రతిబింబించేలా బోనాల వేడుకలు ఘనంగా నిర్వహించారు.
ఈ కార్యక్రమంలో కాలనీ అధ్యక్షుడు బొంతల రాజేష్, కార్పొరేటర్లు ముస్తఫా, శంకర్ నాయక్, రాములు, కాంగ్రెస్ పార్టీ స్థానిక నాయకులు, మాజీ కార్పొరేటర్లు, విభాగాల అధ్యక్షులు, బాధ్యులు, కార్యకర్తలు, కాలనీవాసులు, భక్తులు అధిక సంఖ్యలో పాల్గొన్నారు.