ప్రజా సమస్యలు, నగరంలో చేపట్టవలసిన అభివృద్ధి పనుల పై GHMC సమావేశంలో ముక్తకంఠంతో ప్రశ్నించాలని BRS పార్టీ MLA లు, MLC, కార్పొరేటర్ లతో జరిగిన సమావేశంలో నిర్ణయించారు. 6 వ తేదీన GHMC కౌన్సిల్ సమావేశం జరగనున్న నేపథ్యంలో తెలంగాణ భవన్ లో GHMC పరిధిలోని MLA లు, MLC కార్పొరేటర్ ల సమావేశం లో కౌన్సిల్ లో అనుసరించాల్సిన వ్యూహాలపై చర్చించారు. ఈ సందర్భంగా మాజీమంత్రి, సనత్ నగర్ MLA తలసాని శ్రీనివాస్ యాదవ్, పలువురు MLA లు, కార్పొరేటర్ లు మాట్లాడుతూ కాంగ్రెస్ ప్రభుత్వం ఏర్పాటై 7 నెలలు దాటినా నేటి వరకు ఎలాంటి అభివృద్ధి పనులు జరగలేదని, ప్రజలు ఎదుర్కొంటున్న సమస్యలు పరిష్కారం కాకపోవడంతో ఇబ్బందులు పడుతున్నారని పేర్కొన్నారు. కాంగ్రెస్ ప్రభుత్వం అధికారంలోకి వచ్చి 7 నెలలు దాటినా ఆరు గ్యారెంటీల అమలులో భాగంగా మహిళలకు 2500 వేల ఆర్ధిక సహాయం, 4 వేల రూపాయలకు పెన్షన్ పెంపు, కళ్యాణ లక్ష్మీ, షాదీముబారక్ లబ్ధిదారులకు తులం బంగారం పంపిణీ, డబుల్ బెడ్ రూమ్ ఇండ్ల నిర్మాణం, పంపిణీ వంటి సంక్షేమ కార్యక్రమాలు ఇంత వరకు అమలుకు నోచుకోకపోవడం పైనే ప్రధానంగా చర్చించారు. గత BRS ప్రభుత్వం మంజూరు చేసిన అనేక అభివృద్ధి పనులను ఈ ప్రభుత్వం రద్దు చేసిందని, ఇది సరైన విధానం కాదని సమావేశంలో పేర్కొన్నారు. పారిశుద్ధ్యం నిర్వహణ కూడా సక్రమంగా లేదని, ఎక్కడికక్కడ చెత్త కుప్పలు పేరుకుపోయి ఉన్నాయని, ప్రజలు రోగాలభారిన పడే ప్రమాదం ఉందని ఆవేదన వ్యక్తం చేశారు. నాలాలలో పూడిక తొలగింపు పనులు కూడా చేపట్టలేదని అన్నారు. తమను గెలిపించిన ప్రజల పక్షాన ఈ అంశాలు అన్నింటి పై GHMC కౌన్సిల్ సమావేశంలో ప్రశ్నించాలని నిర్ణయించారు. ఈ సమావేశంలో MLC సురభి వాణిదేవి, MLA లు పద్మారావు గౌడ్, మాగంటి గోపీనాథ్, ముఠా గోపాల్ సుధీర్ రెడ్డి, ప్రకాష్ గౌడ్, కాలేరు వెంకటేష్, మాజీమంత్రి మహమూద్ అలీ, కార్పొరేటర్ లు పాల్గొన్నారు.
ప్రజా సమస్యలు, నగరంలో చేపట్టవలసిన అభివృద్ధి
Related Posts
మూడవ రోజు అన్నపూర్ణ దేవికి ఘనంగా పూజలు
TEJA NEWS మూడవ రోజు అన్నపూర్ణ దేవికి ఘనంగా పూజలు శంకర్పల్లి : దేవీ నవరాత్రులలో మూడో రోజు అమ్మవారిని శ్రీ అన్నపూర్ణాదేవి అలంకారంలో పూజిస్తారు. కొండకల్ గ్రామం లో అన్నపూర్ణ దేవికి చరణ్ సార్క్ ప్రాజెక్ట్స్ వారి ఆధ్వర్యం లో…
కాళోజి యూనివర్సిటీలో ఎంబిబిఎస్ సీటు సాధించిన చేవెళ్ల విద్యార్థి.
TEJA NEWS కాళోజి యూనివర్సిటీలో ఎంబిబిఎస్ సీటు సాధించిన చేవెళ్ల విద్యార్థి. సన్మానం చేసిన చేవెళ్ల న్యాయవాదులు. చేవెళ్ల మట్టిలో పుట్టిన మాణిక్యంలాగా పరిశుద్ధ కార్మికునిగా పనిచేస్తున్న వ్యక్తి కూతురు కాలోజీ యూనివర్సిటీలో ఎంబీబీఎస్ సీటు సంపాదించింది. చేవెళ్ల గ్రామంలో పారిశుద్ధ…