డాక్టర్ ప్రభాకర్ నాయుడు సేవలు అమూల్యం: ఎమ్మెల్యే కావ్య కృష్ణారెడ్డి.

డాక్టర్ ప్రభాకర్ నాయుడు సేవలు అమూల్యం: ఎమ్మెల్యే కావ్య కృష్ణారెడ్డి.?

​కావలి : కావలి పట్టణానికి చెందిన ప్రముఖ వైద్యులు, సమాజ సేవకులు దివంగత డాక్టర్ ప్రభాకర్ నాయుడు సేవలను కావలి ప్రజలు ఎప్పటికీ మరచిపోలేరని స్థానిక శాసనసభ్యులుకావ్య కృష్ణారెడ్డి కొనియాడారు.​ కావలిలోని ఆర్ &బి. అతిథి గృహంలో డాక్టర్ ప్రభాకర్ నాయుడు సంతాప సభ కార్యక్రమాన్ని నిర్వహించారు. ఈ కార్యక్రమానికి ముఖ్య అతిథిగా హాజరైన ఎమ్మెల్యే కావ్య కృష్ణారెడ్డి, ప్రభాకర్ నాయుడు చిత్రపటానికి పూలమాలలు వేసి ఘనంగా నివాళులర్పించారు.
​
​పద్మశ్రీ పురస్కారానికి కృషి:

వైద్యరంగంలో, సామాజిక సేవా రంగంలో డాక్టర్ ప్రభాకర్ నాయుడు అందించిన విశేష సేవలకు గానూ ఆయనకు ‘పద్మశ్రీ’ అవార్డు దక్కాలని ఎమ్మెల్యే ఆకాంక్షించారు. దీనికోసం అవసరమైతే నాయకులతో కలిసి రాష్ట్ర ముఖ్యమంత్రి నారా చంద్రబాబు నాయుడు దృష్టికి తీసుకెళ్తామని స్పష్టం చేశారు.

​వైద్య రంగానికి ఆయన పేరే గుర్తుగా:

భవిష్యత్తులో కావలికి మెడికల్ రంగానికి సంబంధించి ఏ ప్రాజెక్ట్ లేదా అభివృద్ధి కార్యక్రమం వచ్చినా, దానికి డాక్టర్ ప్రభాకర్ నాయుడు పేరునే నామకరణం చేస్తామని వారి కుటుంబ సభ్యులకు ఎమ్మెల్యే హామీ ఇచ్చారు.

​కావలిలో విగ్రహావిష్కరణ & సంతాప సభలు:

ప్రతి సంవత్సరం ఆయన జ్ఞాపకార్థం సంతాప సభను నిర్వహిస్తామని, కావలి పట్టణంలో ఆయన విగ్రహాన్ని కూడా ఏర్పాటు చేస్తామని తెలియజేశారు.

​ఈ కార్యక్రమంలో స్థానిక నాయకులు, వైద్యాధికారులు, పట్టణ ప్రముఖులు మరియు ప్రభాకర్ నాయుడు కుటుంబ సభ్యులు పాల్గొన్నారు.