స్వామి వారి సేవకు పూందమల్లి గొడుగులు – తిరుపతి ఎమ్మెల్యే ఆరణి శ్రీనివాసులు

స్వామి వారి సేవకు పూందమల్లి గొడుగులు – తిరుపతి ఎమ్మెల్యే ఆరణి శ్రీనివాసులు

తిరుపతి

తిరుమల బ్రహ్మోత్సవాలలో స్వామి వారి సేవకు చెన్నె పూందమల్లిలో వుండే పోవైషి అలమేలు మంగ ట్రస్ట్ నుండి 9 గొడుగులు తిరుపతిలో శ్రీ వ్యూహలక్ష్మీ ఆలయంలో పూజలు నిర్వహించి తిరుమలకు తీసుకెల్లడం జరిగిందని, ఈ పుణ్య కార్యంలో పాల్గొనడం సంతోషంగా వుందని తిరుపతి ఎమ్మెల్యే ఆరణి శ్రీనివాసులు అన్నారు. తిరుపతి డి.ఆర్.మహాల్ రోడ్ గ్రీన్ పార్క్ అపార్ట్మెంట్ వద్దనున్న శ్రీ వ్యూహలక్ష్మీ అమ్మవారి ఆలయంలో సోమవారం ఉదయం పూందమల్లి నుండి తెచ్చిన 9 గొడుగులకు సరితా నాగరాజ్ ఆధ్వర్యంలో స్వాగతం పలికగ, శ్రీ వ్యూహలక్ష్మీ ఆలయ వ్యవస్థాపకులు మాసి కృష్ణమూర్తి ప్రత్యేక పూజలు నిర్వహించగా, తిరుపతి ఎమ్మెల్యే ఆరణి శ్రీనివాసులు ముఖ్య అతిథిగా పాల్గొన్నారు.

ఈ సందర్భంగా పోవైషి అలమేలు మంగ ట్రస్ట్ ఫౌండర్ గోపాల కృష్ణ మాట్లాడుతూ గడిచిన 10 సంవత్సరాలుగా స్వామి వారి సేవకు గొడుగులను అందిస్తున్నామని, జరగనున్న నవరాత్రి బ్రహ్మోత్సవాలలో స్వామి వారి సేవకు 9 గొడుగులను అందిస్తున్నామన్నారు. ఈ కార్యక్రమంలో గోపాలకృష్ణ కుటుంబసభ్యులు గిరిజా, ఇదియ చందిరన్, యువశ్రీ, నిరంజన్ లు పాల్గొన్నారు. ఈ పూజా కార్యక్రమంలో టిటిడి పాలకమండలి మాజీ సభ్యులు పోకల అశోక్ కుమార్, ఊకా విజయ్ కుమార్, బిజేపి పొనగంటి భాస్కర్, జనసేన రాజారెడ్డి, గూండల గోఫినాధ్, బండ్ల లక్ష్మీపతి, విజయలక్ష్మీ, పి.డి.చౌదరి తదితరులు పాల్గొన్నారు.