ప్రజల కోసం బ్రతికిన వీరుడు స్వర్గీయ శ్రీ వంగవీటి మోహన రంగా : కుత్బుల్లాపూర్ నియోజకవర్గ బీఆర్ఎస్ నేత శంభీపూర్ క్రిష్ణ …
కుత్బుల్లాపూర్ నియోజకవర్గం నిజాంపేట్ సర్కిల్ ప్రగతి నగర్ లోని ఉమ్మడి ఆంధ్రప్రదేశ్ మాజీ శాసనసభ్యులు స్వర్గీయ వంగవీటి మోహన రంగా 79వ జయంతి సందర్భంగా వారి విగ్రహానికి ఘనంగా పూలమాలలు వేసి నివాళులర్పించిన కుత్బుల్లాపూర్ నియోజకవర్గ బీఆర్ఎస్ నేత శంభీపూర్ క్రిష్ణ .. అనంతరం కేక్ కట్ చేశారు. ఈ సందర్భంగా వారు మాట్లాడుతూ వంగవీటి రంగా సామాన్య ప్రజలతో నిలబడి, సమాజ సేవకు తన జీవితాన్ని అంకితం చేసిన ధైర్యవంతుడైన నాయకుడిగా స్మరించబడతారు అని తెలియజేశారు. న్యాయం పట్ల ఆయనకున్న నిబద్ధత, పేదల పట్ల ఆయనకున్న శ్రద్ధ, ఆయన నిర్భయ నాయకత్వం అసంఖ్యాక ప్రజల హృదయాలలో ఆయనకు ఒక ప్రత్యేక స్థానాన్ని సంపాదించిపెట్టాయి అని గుర్తు చేశారు. ఆయన స్మృతికి మన హృదయపూర్వక నివాళులు అర్పిస్తూ, ప్రజా సేవ, ధైర్యం, ప్రజా సంక్షేమం పట్ల నిబద్ధత అనే ఆయన ఆదర్శాల నుండి స్ఫూర్తిని పొందుదాం అని అన్నారు. ఈ కార్యక్రమంలో జంట నగరాల కాపు సంఘం అధ్యక్షులు మిరియాల రాఘవ రావు , మాజీ కార్పొరేటర్లు సుజాత, విజయలక్ష్మి, కమిటీ సభ్యులు లచ్చి బాబు, మల్లేశ్వరరావు, శ్రీధర్, బోనం నాయుడు, ప్రసాద్, రంజిత్, భాస్కరరావు, వెంకట్రావు, పవన్, చంటి, వెంకటేశ్వరరావు, సతీష్, భాను, నవీన్, పాల్గొన్నారు.
