మానస ఎక్స్లెన్స్ స్కూల్ లో ఘనంగా బాలల దినోత్సవం వేడుకలు

చాచా నెహ్రూ జన్మదిన పురస్కరించుకొని జగిత్యాల జిల్లా కేంద్రంలోని కరీంనగర్ రోడ్ లో గల మానస స్కూల్లో బాలల దినోత్సవం ఘనంగా నిర్వహించడం జరిగింది. ఈ సందర్భంగా నిర్వహించిన సంస్కృతిక కార్యక్రమాలు అందర్నీ అలరించాయి. ఈ కార్యక్రమంలో ఒకటి నుండి 5వ తరగతి విద్యార్థులు పలు రకాల ప్రదర్శనలతో వారి వారి ప్రతిభను ప్రదర్శించారు. అందులో ప్రత్యేకంగా సెల్ ఫోన్ వాడకం – దుష్ప్ర భావాలపై ప్రదర్శించిన నృత్యం అతిధులను ఆకట్టుకోవడం జరిగింది. అంతేకాకుండా పలు రకాల నాటికలు వెస్ట్రన్ మరియు క్లాసికల్ డాన్స్లు ,జానపద నృత్యాలతో పాటు పలువురు చిన్నారులు చాచా నెహ్రూ, అంబేద్కర్ మరియు భారతమాత వేషధారణలతో ఆకట్టుకోవడం జరిగింది. ఈ సందర్భంగా పాఠశాల ప్రిన్సిపాల్ రజిత రావు మాట్లాడుతూ చాచా నెహ్రూ జన్మదిన వేడుకలు ప్రతి సంవత్సరం పాఠశాలలో ఘనంగా నిర్వహించడం జరుగుతుందని ,ఈ సందర్భంగా సాంస్కృతిక కార్యక్రమాలు నిర్వహించడం జరిగిందని అందులో విద్యార్థులు పాల్గొని ఎంతో సరదాగా గడిపారన్నారు.ఈ కార్యక్రమంలో విద్యార్థులు తల్లిదండ్రులు ఉపాధ్యాయులు మరియు పాఠశాల డైరెక్టర్లు శ్రీధర్ రావు,హరిచరన్ రావు, మౌనిక రావు పాల్గొనడం జరిగింది.