డిసెంబర్ 2న పొట్టి శ్రీరాములు తెలుగు విశ్వవిద్యాలయం బాచుపల్లి ప్రాంగణం భవన సముదాయం ప్రారంభోత్సవం సందర్భంగా తెలంగాణ రాష్ట్ర ముఖ్యమంత్రి ఎనుముల రేవంత్ రెడ్డి ముఖ్య అతిథిగా విచ్చేస్తున్న నేపథ్యంలో మేయర్ శ్రీమతి కోలన్ నీలా గోపాల్ రెడ్డి ,పోలీస్ ఉన్నత అధికారులతో కలిసి బాచుపల్లి పొట్టి శ్రీరాములు తెలుగు విశ్వవిద్యాలయం లో ప్రత్యేక సమావేశం నిర్వహించడం జరిగింది.ఈ సందర్భంగా మేయర్ విశ్వవిద్యాలయం, పోలీస్ అధికారులతో ఏర్పాట్ల గురించి చర్చించి,అనంతరం సభ స్థలం,పార్కింగ్ స్థలాన్ని పరిశీలించడం జరిగింది.ఎలాంటి ఇబ్బందులు కలగకుండా చర్యలు చేపట్టాలని ఎన్ఎంసి,మరియు పోలీస్ అధికారులకు తెలియజేశారు.ఈ కార్యక్రమంలో ఎసిపి శ్రీనివాసరావు, సీఐ ఉపేందర్,తెలుగు విశ్వవిద్యాలయం ఉపాధ్యక్షులు వెలుదండ నిత్యానందరావు,రిజిస్ట్రార్ కోట్ల హనుమంతరావు,ఇతర ముఖ్య అధికారులు,ఎన్ఎంసి అధికారులు మరియు సిబ్బంది తదితరులు పాల్గొన్నారు.