వైద్య శిబిరానికి పెద్ద సంఖ్యలో తరలిరావడంతో సమయం సరిపోక చాలామందికి చూడలేకపోయామని తెలిపారు. మరో 10 రోజుల్లో ఈ వైద్య శిబిరం మళ్లీ నిర్వహిస్తామని తెలియజేసిన….ట్రస్టు చైర్మన్ సొంటిరెడ్డి పున్నారెడ్డి

ఎస్పీఆర్ ట్రస్టు ఆధ్వర్యంలో ఇకనుండి దశలవారీగా బస్తీలలో ఉచిత వైద్య శిబిరాలు నిర్వహించనున్నట్లు ఆ ట్రస్టు చైర్మన్ సొంటి రెడ్డి పున్నారెడ్డి అన్నారు. గాజుల రామారం డివిజన్ చిత్తారమ్మ దేవి నగర్ లో శనివారం ఎస్ పి ఆర్ ట్రస్ట్ ఆధ్వర్యంలో స్థానికంగా ఉన్న ఎస్పిఆర్ గ్లోబల్ స్కూల్లో ఉచిత కంటి వైద్య శిబిరం నిర్వహించారు. ఈ కార్యక్రమాన్ని సొంటి రెడ్డి పున్నారెడ్డి చేతుల మీదుగా ప్రారంభించగా కుత్బుల్లాపూర్ వివిధ ప్రాంతాల నుండి వైద్య శిబిరానికి పెద్ద ఎత్తున తరలివచ్చారు. అనుభవజ్ఞులైన వైద్యులచే 250 మందికి పైగా కంటి పరీక్షలు నిర్వహించారు . చూపు మందగించిన వారికి కళ్ళజోళ్లను పంపిణీ చేశారు. ఈ సందర్భంగా సొంటిరెడ్డి పున్నారెడ్డి మాట్లాడుతూ మన శరీర అవయవాల్లో అత్యంత ముఖ్యమైనవి కళ్ళు అని, నగరంలో రోజు రోజుకు పెరుగుతున్న కాలుష్యం కారణంగా చిన్న నుండి పెద్దవారి వరకు చాలామందికి చూపు మందగించిందన్నారు. పేద మధ్యతరగతి వారిని దృష్టిలో పెట్టుకొని