teja news
అల్లు అర్జున్ బౌన్సర్ ఆంటోనీ అరెస్ట్
హైదరాబాద్:
పుష్ప-2 సినిమా విడుదల సందర్భంగా ఆర్టీసీ క్రాస్‌ రోడ్స్‌లోని సంధ్య థియేటర్ దగ్గర జరిగిన తొక్కిసలాట కేసులో కీలక పరిణామం నెలకొంది.
ఈ మేరకు అల్లు అర్జున్ వ్యక్తిగత సిబ్బంది, బౌన్సర్ ఆంటోనీని చిక్కడపల్లి పోలీసులు అదుపులోకి తీసుకున్నారు. అసలు తొక్కిసలాటకు మూల కారణం అతడేనని వారు అనుమానిస్తున్నారు.
కాగా, ఇప్పటికే ఈ కేసులో A11గా ఉన్న అల్లు అర్జున్ జైలుకు వెళ్లి మధ్యంతర బెయిల్‌పై బయటకు వచ్చారు.ఇక, తాజాగా, సోమవారం నాడు చిక్కడ పల్లి పోలీసుల నుంచి నోటీసులు అందుకున్న హీరో అల్లు అర్జున్ ఇవాళ విచారణకు వెళ్లారు.
అక్కడ సెంట్రల్ జోన్ డీసీపీ ఆధ్వర్యంలో ఏసీపీ రమేష్ కుమార్, సీఐ రాజు ఆధ్వ ర్యంలో ఆయన అడ్వొకేట్ అశోక్‌ రెడ్డి,సమక్షంలో విచారణ కొనసాగింది.
దాదాపు రెండున్నర గంటల పాటు విచారణ చేశారు. ఇప్పటికే ఎంక్వైరీ పూర్తి కావడంతో పోలీస్ స్టేషన్ లో పేపర్ వర్క్ ముగిసిన వెంటనే అల్లు అర్జున్ బయటకు రానున్నారు.
