కారు కనుక్కోండి … గిఫ్ట్ కొట్టండి

చిలకలూరిపేట పురపాలక సంఘంలో సూపర్వైజర్ కారు కొనుగోలు

అక్రమాస్తుల ఆరోపణలు
…

చిలకలూరిపేట పురపాలక సంఘంలో ఇటీవలి కాలంలో చోటుచేసుకున్న ఒక ఘటన పురపాలక ఉద్యోగుల మధ్య చర్చనీయాంశంగా మారింది. ఇటీవలే గ్రేడ్ మార్పిడి (ప్రమోషన్) పొందిన ఒక సూపర్వైజర్, కొద్ది నెలల వ్యవధిలోనే నూతన నాలుగు చక్రాల వాహనం (కారు) కొనుగోలు చేయటం మిగతా ఉద్యోగస్తులలో అనేక అనుమానాలకు, చర్చలకు దారితీసింది.
ప్రమోషన్ తర్వాత మారిన పరిస్థితి
ప్రమోషన్ రాకముందు, సదరు ఉద్యోగి నిత్యం పల్లె వెలుగు బస్సు ప్రయాణాన్ని ఆశ్రయించేవారని తోటి ఉద్యోగులు చెబుతున్నారు.ప్రస్తుతంసూపర్వైజర్‌గా పదోన్నతి పొందిన కొన్ని నెలల్లోనే పరిస్థితి పూర్తిగా మారిపోయింది. కొత్తగా కారు కొనుగోలు చేయడంతో, ఆయన ఆర్థిక స్థితిపై పలువురు ఆశ్చర్యం వ్యక్తంతోటి ఉద్యోగుల ఆశ్చర్యంఎన్నో ఏళ్లుగా అదే పురపాలక సంఘంలో పనిచేస్తున్న అనేక మంది ఉద్యోగులు ఇప్పటికీ కేవలం ద్విచక్ర వాహనాలపైనే (టూ వీలర్ బైక్) ప్రయాణం చేస్తుండడం గమనార్హం. కారు కొనుగోలు చేయాలంటే ఆర్థికంగా భయపడుతూ, బిక్కుబిక్కుమంటూ పరిస్థితిని నెట్టుకొస్తున్నామని వారు వాపోతున్నారు. తమ దీర్ఘకాల సర్వీస్‌లో కూడా తాము కారు కొనలేకపోయామని, కానీ కేవలం ప్రమోషన్ వచ్చిన కొద్ది కాలంలోనే కొత్త కారు కొనుగోలు చేయడం వెనుక అక్రమాస్తులు చేర్చి ఉండవచ్చని మిగతా ఉద్యోగులు ముక్కున వేలు వేసుకుంటున్నట్లు తెలుస్తోంది.
అక్రమాస్తుల ఆరోపణలు
కొంతమంది పురపాలక సంఘం ఉద్యోగులు బహిరంగంగానే సదరు సూపర్వైజర్ అక్రమ మార్గాలను అనుసరిస్తూ, అక్రమార్కులకు దేంగా (అండగా) ఉండి పని చేస్తున్నారని ఆరోపించడం ఈ వివాదానికి కొసమెరుపు. ఈ పరిణామం చిలకలూరిపేట పురపాలక సంఘంలో పారదర్శకత, నిజాయితీ గురించి పలు ప్రశ్నలను లేవనెత్తుతోంది.
పరిశీలించాల్సిన అంశం
తక్కువ కాలంలోనే ఉన్నట్టుండి పెరిగిన ఆర్థిక స్తోమత, నూతన కారు కొనుగోలు వంటి అంశాలపై సంబంధిత ఉన్నతాధికారులు లేదా విజిలెన్స్ (నిఘా) అధికారులు దృష్టి సారించి, తగిన విచారణ జరిపి వాస్తవాలను వెలికితీయాల్సిన అవసరం ఉందని ప్రజలు మరియు నిజాయితీగా పనిచేస్తున్న ఉద్యోగులు కోరుకుంటున్నారు.