జల కాలుష్యంపై కేంద్ర ప్రభుత్వాన్ని నిలదీసిన తిరుపతి ఎంపీ గురుమూర్తి.

రాష్ట్ర, కేంద్ర ప్రభుత్వ స్థాయిలో ఉన్న రాష్ట్ర, కేంద్ర కాలుష్య నియంత్రణ బోర్డు, కేంద్ర భూగర్భ జల సంస్థ మొదలైన బహుళ సంస్థలు ప్రస్తుతం నీటికి సంబంధించిన సమస్యలకు బాధ్యత వహిస్తాయన్నది వాస్తవం కాదా, అటువంటి సంస్థలు ముఖ్యమైన విషయాలపై తీర్పు ఇచ్చేటప్పుడు ఆలస్యానికి దారితీశాయన్నది వాస్తవం కాదా అలా అయితే అవసరమైన సత్వర నిర్ణయాలు తీసుకొనే విధంగా రాష్ట్ర, కేంద్ర స్థాయిలో అన్ని సంస్థల ప్రాతినిధ్యంతో ఒక కేంద్ర సంస్థను ఏర్పాటు చేయడం గురించి ప్రభుత్వం వద్ద ఏమైనా ప్రతిపాదనలు ఉన్నాయా ఉన్నట్లయితే దాని వివరాలు, లేకపోతే దానికి గల కారణాలు తెలుపగలరు అంటూ తిరుపతి ఎంపీ మద్దిల గురుమూర్తి ప్రశ్నించగా అందుకు సమాధానంగా కేంద్ర జల శక్తి మంత్రిత్వ శాఖా మాత్యులు సిఆర్ పాటిల్ సమాధానం ఇస్తూ

భారతదేశంలో నీటి నిర్వహణ అనేది ప్రాథమికంగా రాష్ట్ర ప్రభుత్వాల బాధ్యత అని కేంద్ర ప్రభుత్వ పాత్ర, బాధ్యతలు మద్దతు ఇవ్వడం వరకు మాత్రమే అని తెలియజేస్తూ విభిన్న పాత్రలు, అధికార పరిధి కలిగిన ఏజెన్సీలు నీటి రంగంలో పనిచేస్తున్నాయని అన్నారు. కేంద్ర, రాష్ట్ర కాలుష్య నియంత్రణ మండలి బోర్డులు నీటి కాలుష్య నివారణ మరియు కాలుష్య నియంత్రణ చట్టం, 1974 కింద ఏర్పాటు చేయబడ్డాయని ఇవి నీటి ప్రవాహాలు మరియు బావులలో నీటి పరిశుభ్రతను పెంపొందించేందుకు బాధ్యత వహిస్తాయని అన్నారు. జల్ శక్తి మంత్రిత్వ శాఖ ఆధ్వర్యంలోని కేంద్ర భూగర్భ జల సంస్థ దేశంలోని భూగర్భ జల వనరులను నిర్వహించడం, అన్వేషించడం, పర్యవేక్షించడం, అంచనా వేయడం, పెంపొందించడం తోపాటుగా నియంత్రించడం వంటి అనేక విభాగాల శాస్త్రీయ సంస్థ అని తెలియజేసారు.

రాష్ట్ర ప్రభుత్వ చట్టాలు లేదా ఉత్తర్వుల ప్రకారం ఏర్పడిన రాష్ట్ర భూగర్భ జల అథారిటీలు తమ అధికార పరిధిలో గల భూగర్భ జల వనరులను నియంత్రిస్తాయని పర్యావరణ రక్షణ చట్టం, 1986లోని సెక్షన్ 3(3) కింద ఏర్పాటు చేయబడిన కేంద్ర భూగర్భ జల అథారిటీ, రాష్ట్రాలు, కేంద్ర పాలిత ప్రాంతాలలో భూగర్భ జలాల నియంత్రణను పర్యవేక్షిస్తుందని తెలియజేసారు. అన్ని సంస్థలు పని చేసే సొంత పరిధి కలిగి ఉన్నందున, ముఖ్యమైన విషయాలపై తీర్పులో ఎటువంటి సమయాభావం నివేదించబడలేదు అన్నారు. నీటి నిర్వహణ రంగంలో నిమగ్నమైన వివిధ కేంద్ర, రాష్ట్ర ఏజెన్సీలకు సరైన అభిప్రాయాల మార్పిడి, సామర్థ్యాన్ని పెంపొందించడం, కార్యకలాపాల సులభతరం చేయడం కోసం జల్ శక్తి మంత్రిత్వ శాఖ వివిధ కార్యక్రమాలను తీసుకుంటోందని తెలియజేసారు.

నీటి నిర్వహణ రంగంలో నిమగ్నమైన వివిధ కేంద్ర, రాష్ట్ర ప్రభుత్వ ఏజెన్సీలకు సరైన అభిప్రాయాల మార్పిడి, సామర్థ్యాన్ని పెంపొందించడం, కార్యకలాపాల సౌలభ్యాన్ని పెంపొందించడం కోసం జల్ శక్తి మంత్రిత్వ శాఖ వివిధ కార్యక్రమాలను నిర్వహిస్తుంది. ఇందులో భాగంగా భూగర్భ జలాలతో సహా దేశంలోని మొత్తం నీటి వనరులను సమ్మిళిత, సంపూర్ణ పద్ధతిలో నిర్వహించడం తోపాటుగా జలవనరులు, నదుల అభివృద్ధి కోసం గంగా పునరుజ్జీవన శాఖ కార్యదర్శి అధ్యక్షతన నేషనల్ ఇంటర్ డిపార్ట్‌మెంటల్ స్టీరింగ్ కమిటీ ఏర్పాటు చేయబడిందన్నారు. ఎన్.ఐ.ఎస్.సి లో సభ్యులుగా కేంద్ర మంత్రిత్వ అనుబంధిత శాఖలు, విభాగాలు మరియు రాష్ట్ర ప్రభుత్వాల ప్రతినిధులు ఉంటారని ఇది ప్రతి సంవత్సరం సమావేశమవుతుందని తెలియజేసారు.